Ҫӗпрел районӗн муниципаллă ӗçченӗсем иккӗмӗш вырӑна тивӗçлӗ пулчӗç

Тутарстан Республикинчи муниципаллă ӗçченсен спартакиадин черетлӗ сезонӗн финал ӑмӑртӑвӗ иртрӗ.
Ҫулталӑк хушшинче пӗтӗм республикӑран 3 ушкăнра 8 спорт тӗсӗ енӗпе ăмăртусенче чи лайӑх командӑсене палӑртрӗç.

Çӗпрел районӗн чысне çак спартакиадӑра район пуҫлӑхӗ Марат Гафаров ертсе пыракан команда хӳтӗлерӗ. Команда составӗнче Ӗç тăвакан комитетăн ӗçченӗсем, специалистсем тата хăш-пӗр ял тăрăхӗсен пуҫлӑхӗсем пурччӗ.

Ҫӗпрел районӗн команди мӗнпур ӑмӑрту кăтартăвӗсем тăрăх 2 вырӑна çӗнсе илчӗ. Ҫак спартакиадӑн уйрӑмлӑхӗ — ҫӗнтерӳҫӗсене укҫа-тенкӗ уйӑрса панинче.

Ҫапла вара, пирӗн муниципаллă ӗçченсен команди района 1,5 миллион тенкӗ илсе килчӗ. «Ку укҫана спорт инвентарӗсем, тумтирсем туянма тӑкаклӗç», — терӗ Марат Гафаров.