Ҫар ҫыннисем отпуска килеççӗ, каяççӗ

«Тӑван ене ырă-сывă таврӑннӑ ятпа сире», — тесе кӗтсе илчӗ Леонида хӑйӗн пӳлӗмӗнче район пуҫлӑхӗ Марат Гафаров.
Тӗлпулу вӑхӑтӗнче пирӗн ентеш хӑйӗн ҫар пурнӑҫӗ ҫинчен каласа пачӗ, районта пурӑнакансем кăтартнă тӗрлӗ енлӗ пулӑшусемшӗн тав турӗ.

Марат Ринатович та, хăйӗн черетӗнче, ҫар ҫыннисен кирлӗлӗхӗсем, вӗсен сывлӑхӗпе интересленчӗ, Леонида кирлӗ пулакан япаласен пуххине пачӗ.

Сӑмах май, сентябрь уйăхӗн пӗрремӗш эрнинче район пуҫлӑхӗ Марат Гафаров ертсе пынипе делегаци гуманитари пулӑшӑвӗпе ятарлӑ ҫар операцийӗн зонине кайма планлать. Ҫавна май «Созидание» ҫамрӑксен клубӗнче пирӗн ентешсем-ҫар çыннисем валли гуманитари пулӑшӑвӗ пухма йӗркеленӗ. Кирек кам та хӑйӗнчен пай кӗртме пултарать. Кун пирки тӗплӗнрех çак телефон номерӗпе ыйтса пӗлме пулать: 8-843-75-29-22. 

Ҫавӑн пекех РФ Хӗҫ-пӑшаллӑ Вӑйӗсен ретне контрактпа службӑна каясси, тӗрлӗ ҫӑмӑллӑхсемпе тӳлевсем ҫинчен: https://heroes-tatarstan. ru сайтри информацирен тата телефон урлă 117 номерпе усӑ курса пӗлме пулать.