Ачасемпе аслă çулсенчисен спартакиадинче

Мероприятие инвалид ачасене воспитани паракан ҫемьесем хутшӑнчӗҫ, ҫавӑн пекех, аслă çулсенчи çынсемпе афганецсене те чӗнчӗҫ.

Мероприятие армрестлинг енӗпе ТР чемпионӗ, РФ бронза призерӗ тата тӗнче чемпионачӗн кӗмӗл призерӗ Петр Мускатинов та килнӗччӗ. Вӑл ачасене пурне те спортпа туслашма канаш пачӗ.
Спартакиадӑра «Çул-йӗр юхăмӗн хăрушсăрлăхӗн» патшалăх бюджет учрежденийӗн Хусан хулинчи территори управленийӗн профилактика уйрăмӗн ертсе пыракан специалисчӗ Лилия Вахитова, 1 номерлӗ

Кивӗ Çӗпрел вăтам шкулӗн ҫамрӑк инспекторсен отрячӗ хутшӑннӑ. Çамрӑк инспекторсен отрячӗ ҫул-йӗр хӑрушсӑрлӑхӗ енӗпе выступленийӗсемпе савӑнтарчӗ. 

Ачасем икӗ ушкӑна пайланса «Хаваслӑ стартсене» хутшӑнчӗç, ҫаврӑнӑҫулӑх, вӑй-хал, хӑвӑртлӑх енӗпе ӑмӑртрӗç, юмахри персонажсем вӗсене чӑрмавсене ҫӗнтерме пулӑшрӗç, вӗсем ҫумне ҫитӗннисем те хутшӑнчӗç.

Мероприятире ҫул-йӗр юхӑмӗн хӑрушсӑрлӑхӗ енӗпе вылямалли сӗтелсем йӗркеленӗччӗ, унта ачасем пазлсем пуҫтарчӗç, ҫул паллисем çинчен каласа пачӗç.

Ăмăртусенче хутшӑнакансем ҫивӗч те тавҫӑруллӑ пулчӗҫ. «Хаваслӑ стартсем» интереслӗ иртрӗҫ. Командӑсене вăй парса тăракансем — тусӗсем, паллах, ашшӗ-амӑшӗсем те пулӑшрӗç.

Мероприяти вӗҫленнӗ май, «Хаваслӑ стартсем» спартакиадӑна хастар хутшӑннӑшӑн, лайăх спорт кăтартăвӗсемпе ҫӗнтерӳ патне ăнтăлнăшăн район пуҫлӑхӗ Марат Гафаров грамотӑсемпе парнесем пачӗ.

Ачасене «Ҫул-йӗр юхăмӗн хӑрушсӑрлӑхӗ» патшалăх бюджет учрежденийӗн парнисене пачӗç.