Вӗсен астăвăмӗ ӗмӗрлӗхе

Ҫакна тума вӗсем пурӑннă ҫуртсен стенисем ҫине асăну хӑмисем вырнаçтарасси, шкулсенче — астăвăм кӗтесӗсем уçасси малалла пырать.

Юлашки вӑхӑтра пирӗн паттӑр каччăсене асӑнмалӑх ҫакӑн пек пилӗк хӑма вырнаҫтарчӗç, тӑватӑ шкулта музей-кӗтессем уҫрӗç, «Паттӑрлӑхшӑн» виçӗ орден пачӗç.

Мероприятисем район администрацийӗнче, ҫавӑн пекех, геройсем пурӑннă ялсенче, вӗсем вӗреннӗ шкулсенче иртрӗҫ. Аслӑ Чăнлă ялӗнче Ринат Миначев, Анат Хураката ялӗнче Роман Ладыжниковпа Шаукат Идрисов, Ильмет-Чаткас ялӗнче Мансур Насибуллов, Кивӗ Тăваньел ялӗнче Геннадий Ильин халăх асӗнче ӗмӗрлӗхе юлӗç.

Мероприятисенче вилнӗ геройсен тӑванӗсемпе ҫывӑх ҫыннисем, района ертсе пыракансем, çар комиссарӗ, юнармейцсем, шкул коллективӗпе ял ҫыннисем хутшӑнчӗç.

— Хӑйсен пурнӑҫне пирӗн ҫӗршыв ырлӑхӗшӗн панӑ геройсене ӗмӗр-ӗмӗрех асра тытар! Кун пирки мемориал хӑмисем тата кӗтессем тепӗр хут аса илтерӗҫ. Вӗсем хӑйсен тивӗҫне чыслӑн пурнӑҫларӗҫ, чӑн-чӑн геройсем пулнине ҫирӗплетсе пачӗҫ, эпир вӗсен тӑванӗсемпе ҫывӑх ҫыннисем умӗнче парӑмра, — тесе палӑртрӗ район пуҫлӑхӗ Марат Гафаров. Анат Хураката ялӗнче çуралса ӳснӗ Шаукат Шамилевич Идрисов тата Чăваш Шемӗршел ялӗнчи Владислав Кимович Папушкин, Кивӗ Тăваньел ялӗнчи Геннадий Ильин (вилнӗ хыççăн) «Паттăрлăх» орденне тивӗçлӗ пулчӗç. Патшалӑх наградине каччăсен ҫывӑх ҫыннисене пачӗç. 

Малалла тăсса

Ятарлӑ ҫар операцийӗн зонинче вилнӗ паттӑр каччăсене халăх асӗнче хăварасси «Форпост» учрежденийӗн (ертӳҫи А. Сулейманов) «Вӗсем пирӗн чӗресенче» текен проект шайӗнче пурнӑҫланать.