Укçа вырăнне эмел суйласан лайăхрах мар-ши?

Социаллă пулăшусемпе усă курмалли право пулса та унăн укçалла эквивалентне илме кăмăл тунă граждансем октябрӗн 1-мӗшӗччен нумай функциллӗ центра  е Пенси фончӗн территориаллă органӗсене малтан ҫырăнса хурса, е Пенси фончӗн сайтӗнчи уйрăм кабинет урлӑ, социаллӑ пакетпа усă курмалли правăна каялла тавăрма пултараççӗ. Çакăн çинчен Раççей Пенси фончӗн Тутарстанри уйрăмӗ пӗлтерет. Суйласа илнӗ вариант çитес ҫулхи январӗн 1-мӗшӗнчен вӑя кӗрет.

Социаллӑ пулӑшусен пуххине çаксем кӗреççӗ:

– Рецептпа медицинӑра усă куракан эмел препарачӗсем, рецептпа медицина оборудованийӗсем, инвалид ачасемшӗн сипленмелли  ятарлӑ продуктсем;

– Тӗп чирсене профилактикăлассишӗн санаторипе курорт организацийӗсене путевкăсем;

– Сипленмелли вырӑна кайма тата унтан каялла таврăнассишӗн хула хушшинче транспортпа, ҫавӑн пекех чугун ҫул транспорчӗпе тӳлевсӗр усă курма.

Социаллӑ пулӑшу пуххипе усă куракансем:  ветерансем, инвалидсем, инвалид ачасем, çул çитмен çамрăксем фашистсен концлагерӗсенче тыткăнра пулнисем,  радиацирен сиен курнă граждансем. Паянхи кун Тутарстанра патшалӑхăн социаллӑ пулӑшӑвӗпе 148 пине яхăн ҫын  усӑ курать.

Эмел препарачӗсемпе Патшалӑх аптекисем тивӗçтереççӗ; тӗп чирсене профилактикăлассишӗн  санаторипе курорта кайма путевкӑсене Социаллӑ страховани фондӗнчен илмелле;  чугун ҫул транспорчӗпе, ҫавӑн пекех сипленмелли вырӑна кайма тата каялла килме  транспортпа тӳлевсӗр усă курассишӗн Раççей чугун çулӗсене пӗлтермелле.

Миляуша Исхакова:

– Тăванăм онгологи чирӗпе чирлерӗ. Инвалидлăх илсен, иккӗмӗш çулӗнче, социаллă пулăшусенчен пăрăнтăмăр. Хăй Хусана çӳретчӗ, сипленетчӗ. Пӗррехинче кайсан «Эсир тӳлевсӗр сипленейместӗр», терӗç. Тăванăм çак вăхăтра мӗн тери йăнăшнине ăнланчӗ – пӗр çулталăк тăршшӗ эмелсене хăйӗн укçипе туянчӗ. Эпир те пулăшрăмăр, паллах, мӗншӗн тесен эмелсем питӗ хаклă.