Отпуска таврӑнчӗ те, мăшăрланчӗ

Максим Портнов Чӑваш Паснапуç ялӗнче ҫуралса ӳснӗ. Паян вӑл тата унӑн икӗ пӗртăванӗ ятарлӑ ҫар операцийӗнче Тӑван çӗршыва хӳтӗлеҫҫӗ. Кӗске вӑхӑтлӑхлă отпуск вӑхӑтӗнче Максим хӑйӗн савнă хӗрӗпе Дарьяпа ҫемье ҫавӑрма шутланă.

– Ку решение эпир атте-аннесемпе канашласа йышӑнтӑмӑр. Чи пахи – эпир пӗр-пӗрне юратни, – тет Максим.

– Мӑшӑрăм ҫӗршывăмăрăн инте-ресӗсемшӗн хуйхăртса, хăй умне лартнӑ задачӑсене пурнӑҫланă вăхăтра, эпӗ уншӑн шанчӑклӑ тыл пулса тӑрӑп, паллах, пӗрлехи ҫутӑ малашлӑх ҫинчен ӗмӗтленӗп, – тет унăн савнă хӗрӗ.

ЗАГС ӗçченӗсем ҫамрӑк мӑшӑрсене мӑшӑрланăва регистраци туни ҫинчен свидетельство пачӗҫ, вӗсене иксӗлми телей, юрату, пӗр-пӗрне яланах тӗрек пулма  тата пулӑшса тӑма сунчӗҫ. Ҫамрӑксене районти Ӗҫ тӑвакан комитетăн ертӳҫи Рустам Мухаметзянов тата ЗАГС пайӗн начальникӗ Альбина Шарафутдинова саламларӗҫ.