«Автосесси — 2024»

Ӑмӑртӑва техникумăн студенчӗсем: Григорий Борисов, Александр Кудряшов, Роман Максимов, Ильяс Махмутов, Айдар Садыков, Иван Себиков, Фаяз Сулейманов, Виктор Фомин, Расим Хамидуллин, Максим Хохлов тата Адель Яфизов хутшăнчӗç. 

Студентсем хушшинче «Автосесси — 2024» районти конкурса Шалти ӗçсен министерствин Ҫӗпрел районӗнчи ГИБДД уйрăмӗ, Хусан хулинчи «Ҫул-йӗр хӑрушсӑрлӑхӗн» ГБУ территорири управленийӗн профилактика пайӗн Пӑва районӗнчи уйрăмӗ тата «Çӗпрелӗнчи отрасль технологийӗсен техникумӗ» ирттерет. 

Ӑмӑрту икӗ тапхӑрта иртрӗ. Пӗрремӗш теори тапхӑрне «Çӗпрелӗнчи отрасль технологийӗсен техникумӗн» базинче ирттерчӗç. Кунта студентсем, ҫул-йӗр правилисене пӗлнине çирӗплетсе, экзамен пачӗç. Ҫак тӗрӗслев пӗтӗмлетӗвӗсемпе хут-шăнакансене тепӗр — прак-тика задание кӗртеççӗ. 

Конкурсӑн иккӗмӗш тапхӑрӗ машинăпа фигурӑллӑ çӳресси пулчӗ, ун тӗлӗшпе студентсем автодром территорийӗнче экзамен пачӗç. 

Парнелемелли мероприятие хутшӑнакансене Хусан хулинчи «Ҫул-йӗр хӑрушсӑрлӑхӗн» ГБУ территорири управленийӗн профилактика пайӗн Пӑва районӗнчи уйрăмӗн ертӳçи Сирина Мурзакова, «Çӗпрелӗнчи отрасль технологийӗсен техникумӗн» директорӗ Фаниль Яфизов саламларӗç. Вӗсем конкурса хутшӑннӑшӑн пур студента та тав турӗҫ, ҫавӑн пек конкурссем водитель ӑсталӑхне, çулсем çинчи ҫул-йӗр хӑрушсӑрлӑхне ӳстерме пулӑшнине палӑртрӗҫ, малашне ăнăçусем тата çулсем çинче хӑрушсӑрлӑх сунчӗҫ. 

Пӗтӗм сăнав пӗтӗмлетӗвӗсемпе 1-мӗш вырӑна Роман Максимов, 2 вырӑна — Александр Кудряшов, 3 вырӑна — Ильяс Махмутов çӗнсе илчӗç. 4 вырӑна — Виктор Фомин тата 5 вырӑна Расим Хамидуллин йышăнчӗç. 

1, 2, 3 вырӑн йышӑннӑ виҫӗ призера сентябрӗн 26 -мӗшӗнче Хусанта иртекен «Автосесси — 2024» конкурсӑн республикӑри тапхӑрӗнче Ҫӗпрел районӗн чысне хӳтӗлеме тӳрӗ килӗ. 

Мӗнпур призерсене те ҫӗнтерӳҫӗ грамотисене, Кубоксемпе парнесене пачӗç.