Хуçалăхсенче техника утă çине хатӗр

Обществосемпе хуçалăхсем утă çи ӗçӗсене хатӗрленеççӗ.

Составӗнче ТР Ял хуҫалӑхӗпе апат-ҫимӗҫ министрӗн ҫумӗ Дмитрий Яшкин, ТР Ял хуҫалӑхӗпе апат-ҫимӗҫ министерствин АПК ИТО уйрăмӗн советникӗ Расул Шарипов, район пуҫлӑхӗ Марат Гафаров, агроуправленийӗн ертӳҫи Талгат Халитов, специалистсем, «Гостехнадзорăн» районти уйрăмӗн начальникӗ Ильдар Шайхаттаров пулнă комисси районти хуçалăхсенче выльӑх апачӗ хатӗрлекен техника мӗнле шайра пулнине тӗрӗслерӗç.

Комисси районти ял хуҫалӑх организацийӗсен машинӑсен паркӗсенче, унта выльӑх апачӗ пухакан комбайнсем, косилкӑсем, пресс-подборщиксем, кӑкармалли агрегатсем, çăк машинисем, тракторсем хатӗррисен линийӗнчеччӗ.

Çакна та палăртса иртес пулать, хуҫалӑхсенчи мӗнпур хăйçӳрен машинăсене пурне те пушар сӳнтермелли хатӗрсемпе, аптекӑсемпе, авариллӗ чарӑну паллисемпе тата авариллӗ ҫирӗплӗхсемпе комплектланӑ. Выльӑх апачӗ хатӗрлекен техникӑна тытса пыма тивӗҫлӗ категорири квалификациллӗ механизаторсене явӑҫтарнӑ.

Район пуҫлӑхӗ Марат Гафаров тата агроуправленийӗн ертӳҫи Талгат Халитов механизаторсемпе специалистсене ӑнӑҫу сунчӗҫ, тракторсемпе хăйçӳрен машинӑсене хӑрушсӑр эксплуатацилемелли правилӑсемпе требованисене тепӗр хут аса илтерчӗҫ. Общество, хресчен-фермер хуҫалӑхӗсен ертӳҫисене, инженерсен составне тата механизаторсене техникӑна вӑхӑтра та пахалӑхлӑн хатӗрленӗшӗн тав турӗç.

Ӗҫ вӑхӑтӗнче техникăна йышăнакан комисси «Цильна», «Ҫӗпрел Рассвет Агро» обществӑна ҫитсе курчӗ, икӗ хуҫалӑх та пысӑк балсем илчӗç, выльăх апачӗ хатӗрлеме туллин хатӗр тесе палăртрӗç.
Комисси, ҫавӑн пекех, «АгроТрансПорт» обществӑпа «А. Н. Амосов» хресчен-фермер хуҫалӑхӗнче выльӑх апачӗ хатӗрлемелли техникăн хатӗрлӗхне лайӑх хак пачӗ.

Справка

Районти ял хуҫалӑхӗпе апат-ҫимӗҫ управленийӗ пӗлтернӗ тӑрӑх, кӑҫал районти выльӑх-чӗрлӗхе ӑнӑҫлӑн хӗл каҫарма (харпӑр хӑй кил-ҫуртне шута илмесӗр) 7999 тонна утӑ, 46551 тонна сенаж, 47110 тонна силос, 8397 тонна улӑм хатӗрлеме палӑртнӑ. План тӑрӑх районти выльӑх-чӗрлӗхе хӗл каҫармалли тапхӑр тӗлне кашни выльӑх валли вӑтамран 40 центнер апат единици хатӗрлемелле.