Ӗҫрӗн пулсан, руль умне ан лар!

Ҫӗпрел муниципаллă районӗн 1 номерлӗ обществăлла сучӗн участокӗнче руль умне ӳсӗрле ларнăшăн И. Х. нăн ӗҫне пӑхса тухрӗç.

Суд вӑхӑтӗнче унăн айӑпне туллин çирӗплетрӗç. Ҫӗпрел районӗн 1 номерлӗ обществăлла сучӗ ун тӗлӗшпе 1,5-2 ҫуллӑха водитель правине туртса илесси çинчен решени йышăнчӗ.

Аса илтеретпӗр, юлашки ҫулсенче çул-йӗр юхăмӗн правилисене пăснăшăн штрафсен виҫи чылай ӳсрӗ. Чи çирӗп наказани руль умне ӳсӗр пуçпа ларакансене тӳрӗ килет. Вӗсене, унчченхи пек, 15 талӑка хупса лартмаççӗ, 30 пин тенкӗ штраф тӳлеттереҫҫӗ. Кунсăр пуçне тата 1,5-2 çуллăха водитель прависӗр хăварма пултараççӗ. Руль умне эрех-сăра ӗçнӗ май тепӗр хут ларсан вара, наказани тата çирӗпрех пулать.