Кӗрхи ярмăрккӑсенче тулăх продукци
Хусанта ҫулсерен ирттерекен ялхуҫалӑх ярмăрккисем пуçланчӗç
Иртнӗ шӑматкун пирӗн район та тӗп хуламăрăн Киров районне кайрӗ. Хуҫалӑхсем, фермерсем, ял тӑрӑхӗсем 29 машинӑпа уй-хирсенче, фермӑсенче туса илнӗ продукцие сутма илсе кайрӗç.
Суту-илӳ ирех пуҫланчӗ, сакӑр сехет тӗлне нумайӑшне сутса пӗтернӗччӗ ӗнтӗ, тесе пӗлтерчӗ пире районти Ӗҫ тӑвакан комитетӑн экономика ыйтӑвӗсемпе ӗҫлекен çумӗ Ильмир Измайлов.
– Район аграрийӗсем хула ҫыннисене аш-какай, сӗт-ҫу, купӑста, ҫӗрулми, тырӑ сӗнчӗç. Пурне те йӳнӗ хакпа. Хулан ку пайӗнче уйрӑм ҫуртсем нумай пулнӑран выльӑх-чӗрлӗхпе кайӑк-кӗшӗк апачӗ те сутрӗç. Пирӗн хуҫалӑхсем, ярмăрккӑна кайма хатӗрленнӗ чух, ҫакна яланах асра тытаççӗ. Ял тӑрӑхӗсем пахчаҫимӗҫ, уйрăм хуçалăхсенчен пыл та илсе килнӗччӗ. Ҫак кун суту-илӗве 2,6 миллион тенкӗлӗх тавар сӗнчӗç, – терӗ вӑл.
Ярмăрккӑра йӑлана кӗнӗ тăрăх, районти творчествопултарулӑх артисчӗсем те туянакансене илӗртсе тăчӗç, юрă-ташă парнелерӗç.
Ку пӗрремӗш ярмăркка пулчӗ. Ҫӗпрел ҫыннисем ӳстернӗ апат-çимӗçе кашни икӗ эрнерен, кашни шӑматкун, хулана илсе кайӗç, ярмăрккӑна вара, тӗп хулара пурӑнакансене тимлӗхе илмелӗх йӗркелӗç. Ярмăрккӑсем декабрь уйӑхӗ вӗҫленичченех тӑсӑлӗҫ.
Ярмăрккӑри хӑш-пӗр хаксем: ҫӗрулми – 18, кишӗр – 23, сухан – 25, ыхра – 100, хӗрлӗ кӑшман – 15, купӑста – 13 тенкӗ. Ҫӑнӑх: пысăк сортли – 1250, пӗрремӗш сортли – 1150 тенкӗ. Пыл – 350 тенкӗ (кг). Сӗт – 40 тенкӗ (литр).
Справка
Хамăр патăрта та çавăн пек ял хуçалăх таварӗсечен тăракан ярмăрккă кашни çулти пекех Ватăсен кунӗ умӗн пулӗ.
Следите за самым важным и интересным в Telegram-каналеТатмедиа
Нет комментариев