Калчасем лайӑх курӑнаҫҫӗ

Ӗçлӗ ушкӑна район пуҫлӑхӗ Марат Гафаров ертсе пычӗ. Унӑн составӗнче районти ял хуҫалӑхӗпе апат-ҫимӗҫ специалисчӗсем, ҫавӑн пекех, «Россельхозцентр» филиалӗн специалисчӗсем те пурччӗ.

Тишкерӳ «Цильна» хуҫалӑхӗнчен пуҫланчӗ. Кӗрхи тулӑ, урпа, сахӑр чӗкӗнтӗрӗн уйӗсем куҫа савӑнтараҫҫӗ. Калчасем пӗр тикӗс шӑтса тухнă.

Специалистсем кашни ана çинче ятарласа тунӑ пӗчӗк кӗреҫепе кӗрхи тырăсене чавса илсе, тымарланнине пăхрӗç. 

— Паян калчасенче хăйсене кура «программӑласси» пырать. Кунсем шӑрӑх, çумăрсăр пулсан, калча хӑйӗн пӗтӗм энергине чӗрӗлӗх ҫине ярать, сиплӗ ӑшӑ ҫумӑрсем çуса иртсен, хӑйӗн вӑйне тухăç çине ярать. 
Механизаторсемпе агрономсем хӑйсем мӗн тума пултарнине пурне те ӗçлерӗç, çанталăкӗ çӗр ӗçченӗ енлӗ кăна пултăрччӗ, — тет ял хуҫалӑхӗпе апат-ҫимӗҫ управленийӗн ертӳҫи Талгат Халитов.

Комисси членӗсем «Эталон-Агро», «Бикчуров Р. А.» хресчен-фермер тата ытти хуçалăхӗсенче те пулчӗç, «Рассвет-Агро» агрофирма уй-хирӗсене те хакларӗç. Хăш хуçалăх уй-хир культури енӗпе чи малта пулнине Сабантуй лаптăкӗнче пӗлтерӗç.