Шывра ишни усӑллӑ
«Акчарлак» бассейнра шкул ачисен Спартакиади шайӗнче шывра ишмелли ӑмӑртусем иртрӗҫ.
Ӑмӑрту вӑхӑтӗнче вӗренекенсем ГТО нормативӗсене пурнӑҫларӗҫ.
Спартакиадăна Тӑван çӗршывӑн Аслӑ вӑрҫинче Ҫӗнтерӳ тунăранпа 79 ҫул ҫитнине халалланӑччӗ.
Ӑмӑртусенче 70е яхăн 2015 ҫулта çуралнă тата унран та ҫамрӑкрах шкул ачисем хутшӑнчӗç. Малти вырӑнсене личнӑй зачетра та, команднӑй зачетра та палӑртрӗç.
Хӑйсен ӳсӗмӗнчи категорисенче лайӑх кӑтартусем тунă тата I, II, III вырӑн йышӑннӑ ачасене районти Ӗҫ тӑвакан комитетăн ертӳҫин социаллӑ ыйтусем енӗпе ӗҫлекен çумӗ Айрат Залялов грамотӑсемпе медальсем пачӗ.
Ҫавӑн пекех пӗтӗмӗшле командăсене те вырӑнсем палӑртрӗç. Пӗтӗмӗшле команда зачетӗнче I вырӑна 1 номерлӗ Кивӗ Çӗпрел вăтам шкулăн команди, II вырăна Кивӗ Çӗпрелӗнчи нумай профильлӗ лицей команди, III вырăна Алешкин-Саплăк вăтам шкулăн команди çӗнсе илчӗç.
Вӗренекенсен Спартакиади шайӗнче иртнӗ шывра ишес енӗпе ӑмӑртусен спонсорӗ — шывра ишес енӗпе федерацийӗн районти филиалӗн ертӳҫи Ильнур Исхаков.
Следите за самым важным и интересным в Telegram-каналеТатмедиа
Нет комментариев