Штрафсене вӑхӑтра тӳлемелле

Кун ҫинчен Раççей Шалти ӗçсен министерствин Ҫӗпрел районӗнчи ГИБДД уйрăмӗн начальникӗ, полици майорӗ Анатолий Михайлов пӗлтерет.

— Раççей Федерацийӗн Административлӑ правӑна пӑсни çинчен калакан Кодексӗн 32.2 статйин 1-мӗш пайӗпе килӗшӳллӗн, административлӑ яваплӑха явӑҫтарнӑ ҫыннăн штрафа, йышăну законлă вӑя кӗрсен, утмӑл кун хушшинче тӳлемелле.

РФ 20.25 статьин 1-мӗш пайӗпе килӗшӳллӗн, административлӑ штрафа вăхăтлă тӳлемесен, ăна икӗ хут ӳстерсе тӳлеттерӗç. Унсăр пуçне, вунпилӗк талӑка хупса лартма пултарӗç е аллӑ сехет таран ятарлă ӗҫсене тума явăçтарӗç, — тет Анатолий Михайлов.