Ӗҫрӗн пулсан, руль умне ан лар!

Ҫӗпрел районӗн 1-мӗш номерлӗ обществăлла сучӗн участокӗнче, 2024 çулхи апрель уйăхӗнче ӳсӗрле руль умне ларнă М. ӗçне пӑхса тухнă, наказани палăртнă.

Суд пынă вăхăтра унăн айăпне туллин çирӗплетнӗ. Çӗпрел районӗн сучӗ ун тӗлӗшпе приговор йышăннă.
Аса илтеретпӗр, юлашки ҫулсенче çул-йӗр юхăмӗн правилисене пăсакансемшӗн штраф виҫи чылай ӳсрӗ.

Руль умне ӳсӗр пуçпа ларакансене чи çирӗп наказани кӗтет. Вӗсене, малтанхи пек, 15 талӑклӑха хупса лартмаҫҫӗ, ӳсӗрле руль умне ларнăшăн 30 пин тенкӗ штраф параççӗ. Çитменнине тата 1,5-2 ҫуллӑха водитель прависӗр те тăратса хăвараççӗ. Ӳсӗр пуçпа тата тепӗр хут руль умне ларнă тӗслӗхре наказани тата та çирӗпрех пулать.