Пирӗн ентеш: Рамис Хатипович Сафиуллов

Ҫуралнӑ ҫулӗ: 1962 çулхи августӑн 8-мӗшӗ. 1996 ҫулта Ульяновскри ял хуҫалӑх академийӗнчен вӗренсе тухать. Специальноçӗ енӗпе Рамис Хатипович инженер-механик.

Ӗҫ çулне вара ентешӗмӗр 1981 ҫулта Ямашев ячӗллӗ колхозра зоотехникран пуҫласа ярать. Ҫав ҫулах ҫамрӑк та хастар каччăна ҫар службине илеççӗ. Унтан вӑл 1983 ҫулхи ноябрь уйӑхӗнче таврӑнать. Нумаях та вăхăт иртмест, тăнăç пурнăçри ӗҫшӗн ҫунакан ҫамрӑк ҫын «Чишме» колхоза тӗп зоотехникӗ пулса ӗçе вырнаçать. 1985 ҫулта вара перспективлӑ, кирек мӗн тытса çавна ӗçлеме пултаракан каччă Ульяновск облаҫӗнчи техника производствин Заволжски уйрăмӗн аслӑ инженерӗ пулса ӗҫлеме пуçлать. Шӑпа ӑна ҫав хулари сӗт заводне те илсе çитерет. Пурнăçӗнче унăн çивӗч улшăну 1997 ҫулта пулнă-тăр. Ун чухне ăна Тутарстанӑн Теччӗ районӗнчи «Колос» обществӑн ертӳçи пулма палăртаççӗ. Кашни пуçланă ӗçре кăтартуллă ӗç кăтарма пӗлнӗ пирӗн ентешӗмӗр 2014 ҫулхи октябрьтен пуҫласа Теччӗ районне ертсе пыма пуçлать. Рамис Хатипович Сафиуллов паянхи кунчченех Пуҫлӑх вырӑнӗнче ӑнӑҫлӑ ӗҫлет. Ҫемьере ентешӗмӗр икӗ ывӑл ҫитӗнтерет. Мӑшӑрӗ – Кивӗ Ишлӗ ялӗнче çуралса ӳснӗ  Римма ханум.

Рамис Хатипович тӑван енӗпе те ҫыхӑнăва татмасть. Ентешӗсем те тӗрлӗ пичет изданийӗсенчен вăл мӗн тери канăçсăр ӗç-хӗл илсе пынипе паллашса пыраççӗ. Рамис Хатиповичӑн этемлӗх тивӗҫлӗхне палӑртакан ырӑ ӗҫӗсем те питӗ нумай. Ҫак кунсенче ҫеҫ вӑл Луганск Республикине темиҫе тонна апат-ҫимӗҫ, кирлӗ препаратсем илсе кайнă тата ытти те.

Ентешӗмӗре патшалăх наградисемпе: «Хусана – 1000 ҫул» медальпе (2005 ҫул), «Тутарстан Республикин ял хуҫалӑхӗн тава тивӗҫлӗ ӗҫченӗ» хисеплӗ ят (2012 ҫул), Тутарстан Республикин «Ӗçри хастарлăхшăн» медальпе (2017 ҫул), «2015 ҫулхи Хусан хулинче спорт тӗсӗсем енӗпе XVI тӗнче Чемпионачӗ» медаль (2015 ҫул), Тутарстан Республикин «Ӗçри хастарлăхшăн» Тутарстан Республикин медалӗпе (2017 ҫул), II степеньлӗ «Тӑван çӗршыв умӗнчи тава тивӗҫлӗ ӗҫсемшӗн» орден медалӗ- пе чысланă (2019 ҫул).

Августӑн 8-мӗшӗнче пирӗн ентеш хӑйӗн юбилейне паллӑ тӑвать. Ҫавна май ӑна ял ҫыннисем те, район ҫыннисем те саламлаççӗ.

Хисеплӗ Рамис Хатипович!

Сире, Çӗпрел районӗн халăхӗнчен тата хамăн ятран, хăвăрăн пурнӑҫӑрти паллӑ датăпа – 60 ҫулхи юбилейпе саламлатӑп.

Эсир ертсе пыракан ӗҫе тӗрлӗ сферӑра хăнăху илсе, ӗçре, ӗç «хуранӗнче вӗресе», опыт пухса килтӗр. Теччӗ районӗн пуҫлӑхӗн должноҫне пуçăннă хыҫҫӑн та, эсир сакӑр ҫул хушши, халӑх интересӗсемшӗн, хулана тирпей-илем кӗртекен объектсемшӗн, районти ялсенче татса памалли ыйтусемшӗн тӑрӑшса пурӑнатӑр тата ӗҫлетӗр. Эсир тӑван енӗрпе те яланах ҫыхӑну тытатӑр.

Эсир Теччӗ районӗнче ертсе пынӑ ҫулсенче пысӑк ӗҫсем пурнăçланнă, малашне тата мӗн чухлӗ кӗтет-ха?! Сире çирӗп вӑй-хал тата сывлӑх сунатпӑр! Çемье телейӗ, хисеп-авторитет сире ӗмӗр тӑршшӗпех ӑсаттӑр!

Хисеплесе:

Марат Гафаров, Ҫӗпрел муниципаллă районӗн пуҫлӑхӗ.

Хисеплӗ Рамис Хатипович!

Эсир Кӗçӗн Чăнлă ялӗнче ҫуралса, унăн шывне ӗҫсе, урамӗсенче выляса ӳснӗ каччă, авторитетлӑ ертӳҫӗ пулса тăтăр – паянхи кун республикӑри пысӑк районсенчен пӗрне ертсе пыратӑр. Организаторла пысӑк пултарулӑх, хастарлӑх, ӗҫ ҫыннисене сума сăвасси, аслисемпе кӗҫӗннисене те хисеплесси – сире тивӗҫлӗ пахалӑхсем. Хăвăр ертсе пыракан Теччӗ районӗнчи социаллӑ пурнӑҫпа экономика ыйтӑвӗ çине пысӑк тимлӗх паратӑр, вӑхӑтпа пӗр тан утатӑр, палӑртнӑ тӗллевсене пурнӑҫлас тесе пӗтӗм вӑя хуратӑр. Ҫав вӑхӑтрах çуралса ӳснӗ енӗр, тӑван ялăр ҫинчен те манмастăр, пулăшса пурăнатăр. Эпир, ентешӗрсем, «Цильна» общество сирӗн пӗринчен-пӗри илемлӗ пулнă ӗҫӗрсене ăмсанатпăр. Сире илемлӗ уяв ячӗпе пӗтӗм чун-чӗререн саламлатпӑр, ҫирӗп сывлӑх, ҫемье тăнăçлăхӗ, ҫӑмӑл мар тата яваплӑ ӗҫӗрте ăнăçусем сунатпӑр! Кашни килен кун сирӗншӗн çутă та уяр пултăр!

Барис Гафуров, «Цильна» обществӑн директорӗ.

Ҫӗпрел районӗнчи Кӗçӗн Чăнлă ялӗнче ҫуралса ӳссе, пӗтӗм пурнӑҫне ял хуçалăхне халалланă, Теччӗ районӗн халӑхӗн хисепне хӑйӗн тӳрӗ кӑмӑлӗпе çӗнсе илнӗ Рамис Хатипович Сафиуллов августӑн 8-мӗшӗнче 60 ҫул тултарать.

Хисеплӗ Рамис Хатипович! Сирӗн пурнӑҫăр чыслă ӗҫре иртет. Теччӗ районӗнче эсир хӑвӑрăн ӗҫӗре, профессийӗре чунтан парӑнса, ырӑ ӗҫсем тӑватӑр, ҫынсене чун-чӗререн юрататӑр, ҫавӑнпа вӗсен хисепне çӗнсе илнӗ. Сирӗн Теччӗре те, тӑван енӗр те – Ҫӗпрелӗнче те авторитетăр пысӑк. Чӑтӑмлӑх, ырӑ кӑмӑл, çирӗп пӗлӳ, пысăк шайри йӗркелӳçӗ пулма тата ҫынсене ӑнланма пӗлни – çаксем сире илемлетекен пахалӑхсем.

Эпир Сире çуралнă кун ячӗпе чун-чӗререн саламлатпӑр, чи ырӑ сунăмсем сунатпӑр. Ҫак пысӑк та ҫутӑ уяв кунӗнче Сире чунтан тав тунине пӗлтеретпӗр.

Çак иртнӗ ҫулсенче эсир хӑвӑрăн тăрăшуллăхăрпа, ӗҫченлӗхӗрпе,  уҫӑ кӑмӑлӑрпа пӗтӗм ял халӑхӗшӗн тӗслӗх пулса тӑтӑр. Турă сире вӑрӑм ӗмӗр, сывлӑх, чун-чӗре канăçлăхӗ, ӗненӳ пуянлӑхӗ, савӑнӑҫ патӑр. Сирӗн ҫурт яланах илемлӗ, хӑтлӑ пултӑр, мӑшӑрӑрпа Римма ханумпа пӗр-пӗриншӗн савӑнӑҫ, тӗрек, шанӑҫ пулса, ачасен савӑнӑҫӗпе, тӑван-хурӑнташсемпе ҫывӑх ҫынсен ӑшшине туйса, пӗрле пурӑнма пӳртӗр.

Сире чаплӑ юбилейпе саламласа, малашнехи пурнӑҫран илем тупса, чир-чӗр мӗнне пӗлмесӗр, хуйхă-суйхă курмасăр, ҫывӑх ҫыннӑрсен ырăлăхне туйса пурăнма тулӑх та ҫителӗклӗ пурнăç сунатпӑр!

Ҫӗпрел муниципаллă районӗнчи Кӗçӗн Чăнлă ял тӑрӑхӗн Ӗҫ тӑвакан комитечӗ.