Ҫар юхăмӗн ветеранӗсемпе тӗл пулни

Мероприятие Совет ҫарӗсене Афганистанран илсе тухнăранпа 36 ҫул çитнӗ ятпа йӗркеленӗччӗ тата Раҫҫей Федерацийӗнче Тӑван çӗршыв хӳтӗлевçин çулталӑкӗн, 1941-1945 ҫулсенчи Тӑван Ҫӗршывӑн Аслӑ вӑрҫинче çӗнтернӗренпе 80 ҫул çитнӗ ятпа иртрӗ. Тӗлпулӑва Афганистанра, Чечняри çар юхăмӗсенче тата ятарлӑ ҫар операцийӗсенче хутшӑнакансене чӗннӗччӗ, ăна

«Созидание» ҫамрӑксен клубӗ тата «Форпост» организацийӗ йӗркеленӗччӗ.

Мероприятире ҫамрӑксен ӗҫӗсен, туризм тата спорт пайӗн начальникӗ Руслан Вильданов, Кивӗ Çӗпрелӗнчи нумай профильлӗ лицейри юнармейцсем, «Çӗпрелӗнчи отрасль технологийӗсен техникумӗн» «Форпост» отрячӗн членӗсем хутшӑнчӗç. 

Руслан Вильданов сăмах илсе, Афганистан тата Чечня вӑрçисем урлă иртнӗ тата паян ятарлӑ ҫар операцийӗн зонине хутшӑнакан каччăсен паттӑрлӑхӗ ҫинчен калаçрӗ.

Афганистан вӑрҫинче хутшӑнакансем: «Форпост» директорӗ Альберт Сулейманов, Тутар Паснапуç шкулӗн педагогӗ Мунир Айметдинов тата Кивӗ Çӗпрелӗнчен Хӗрлӗ Ҫӑлтӑр орденӗн кавалерӗ Ильдус Журавлев; пӗрремӗш Чечня вӑрҫинче хутшӑннӑ Даниил Ефимов, терроризма хирӗç операцие хутшӑннӑ Замир Биктудин; ятарлӑ ҫар операцине хутшӑнакан Алексей Ягашкин хăйсен умне лартнă тивӗçсене мӗнле пурнăçлани çинчен аса илчӗç.

Ҫамрӑк ӑрӑва лайӑх вӗренме, спортпа туслашма, Тӑван çӗршыва юратма, пурнӑҫа хаклама пӗлме кирлине аса илтерчӗҫ.
Мероприяти пынă хушăра ятарлӑ ҫар операцийӗн зони валли гуманитари пулӑшӑвӗ пухса тата ăна унта илсе çитерни ҫинчен видеороликсем кăтартрӗç. 

Афган тата Чечня вӑрҫисенче, ятарлӑ ҫар операцийӗнче вилнӗ Çӗпрел каччисене аса илсе, пӗр минут шăп тăчӗç.
Ҫар юхăмӗн ветеранӗсене парнесем пачӗҫ, Ангелина Билдяковаран музыка парни янӑрарӗ. 
Юнармеецсем, форпостистсем хӑнасене хӑйсене интереслентерекен ыйтусем пачӗҫ, вӗсем ҫине тӗплӗ хуравсем илчӗҫ.

Малалла тăсса

«Созидание» ҫамрӑксен клубӗнче «Пулӑшу юнашарах!» республика юхӑмӗн волонтерӗсен штабӗ ӗҫлет, унта ятарлӑ ҫар операцийӗнче вилнӗ, мобилизациленнӗ, контрактниксен ҫемйисене адреслӑ пулӑшу параҫҫӗ, ҫар служащийӗсем валли гуманитари пулӑшӑвӗ пуҫтараҫҫӗ. Гуманитари пулӑшӑвӗ пирӗн ҫар ҫыннисене мӗн кирлипе килӗшӳллӗн йӗркеленет.