Ӗçрӗн — руль умне ан лар

2023 çулта руль умне ларнӑ 35 çыннăн ӗçне Ҫӗпрел муниципаллă районӗн 1-мӗш номерлӗ обществăлла сучӗн участокӗнче пӑхса тухнӑ, вӗсен тӗлӗшпе тивӗçлӗ наказани палӑртнӑ.

Аса илтеретпӗр, юлашки ҫулсенче çул-йӗр юхăмӗн правилисене пăсакансемшӗн штраф виҫи чылай пысӑкланнăччӗ.

Руль умне ӳсӗр пуçпа ларакансене чи çирӗп наказани кӗтет. Вӗсене малтанхи пекех 15 талӑклӑха хупса лартмаҫҫӗ, ӳсӗрле руль умне ларнăшăн 30 пин тенкӗ штраф параççӗ.