Ильнар — çӗршывăмăрăн хуралӗнче!

Тӑван çӗршывăмăра тата патшалӑх интересӗсене хӳтӗлес тӗлӗшпе çар операцийӗнче паттӑрлӑх кӑтартнӑ ентешӗмӗр нумай наградӑсен хуçи.

Ильнар Наилевич Шигапов ҫар службине 2017-2018 ҫулсенче пурнăçлать. 2022 ҫулхи август уйӑхӗнче хӑйӗн савнийӗпе Разиляпа çемье çавăрать. Ҫав ҫулах Ильнара, уйрӑм мобилизаци йӗркипе, Тӑван çӗршывăмăра хӳтӗлессишӗн аллине хӗҫ-пӑшал тытма тӳрӗ килет. 

Ентешӗмӗрӗн ячӗ унӑн ячӗпе пӗрешкел. Ильнар — ҫӗршыв паттăрӗ, геройӗ тенине пӗлтерет. 

Ильнар снайперсен стрелковӑй ротинче аслӑ снайпер пулса служить тăвать. 2023 ҫулта взвод командирӗ пулма палӑртаççӗ, 2023 ҫулхи декабрь уйӑхӗнче «Тутарстан Республики умӗнчи тава тивӗҫлӗ ӗҫсемшӗн» орден медалӗпе наградӑланать. 

2014 ҫулхи март уйӑхӗнче ӑна лейтенант звани параççӗ. Анчах ҫав ҫулах апрель уйӑхӗнче аманать. Снаряд ванчӑкӗ халӗ те пулсан унăн ӳтӗ ăшӗнче, хăйне систерсех тăрать. 

2024 ҫулăн май уйӑхӗнче ентешӗмӗр Жуков медалӗпе наградӑланчӗ. Реабилитаци хыҫҫӑн ӑна 4-мӗш танк ҫарне, мотострелковӑй полка палăртаççӗ, унта вӑл снайперсен ушкӑнӗн командирӗ тата 1-мӗш мотострелковӑй взводăн командирӗ пулса службăна илсе пырать. 

Иртнӗ çулхи август уйӑхӗнче Ильнар Раҫҫей Федерацийӗн Оборона Министерствин «Çар юхăмӗнче хутшӑнакан» медальпе наградӑланчӗ.

Ильнар Шигапова тӑван енӗнче те хисеплеҫҫӗ, вӑл яланах шкулта вӗренекенсемпе тӗл пулма тăрăшать, район центрӗнче иртекен мероприятисенче хутшӑнать.

Эпир Ильнурăн амӑшӗ Гулия аппа ҫинчен те хаçатра çырнăччӗ. Виҫӗ ачине пӗчченех пăхса ӳстерсе, пурнăçăн аслă çулӗ çине кăларнă амӑшӗ хӑйӗн хуҫалӑхӗнче выльӑх-чӗрлӗх нумай усрать, анкартинче тӗрлӗ пахчаҫимӗҫпе улма-ҫырла ӳстерет. Юлашки ҫулсенче арбузпа дыня ҫитӗнтернипе палăрчӗ.

— Ывӑлăм шӑнкӑравласа, унăн сассине илтесси маншӑн чи пысӑк телей. Чи пахи — ҫӗршывра тӑнӑҫлӑх, ятарлӑ ҫар операцийӗ вӗҫлентӗрччӗ, ачамăрсем ҫӗнтерӳпе тӑван килӗсене таврӑнчӑрччӗ! — тет Гулия Шигапова.