Чүпрәле мәктәпләрендә «Игътибар — балалар» акциясе кысаларында профилактик чаралар уза

Яңа Элмәле урта мәктәбенең юидчылары белән берлектә юл — транспорт травматизмын профилактикалау буенча чара узды. Чара "Игътибар — балалар"профилактик акциясе кысаларында оештырылган иде.

Чара барышында балаларга юл аша чыкканда җәяүле кичүе аша чыгарга, велосипедта юл аша чыкканда велотранспорттан төшеп, аны төртеп чыгу кирәклеге турында аңлатылды.

Шулай ук, укучыларга юлда һәм транспортта куркынычсызлык тәртибе турында сөйләделәр, караңгыда яктылык кайтаручы элементлар йөртүнең файдасы турында аңлаттылар.