«Бердәм Россия» көнендә чүпрәлеләр партия сафларына кабул ителделәр

Әлеге уңайдан Башкарма комитетның утырышлар залында чара узды.

Белгәнегезчә, «Бердәм Россия» партиясе ярдәмендә районда милли проектлар, төрле федераль һәм республика программалары гамәлгә ашырыла.

Чара барышында «Бердәм Россия» партиясенең яңа кабул ителгән әгъзаларына партия билетларын тапшырдылар.

Партиянең җирле оешмасы секретаре урынбасары Алексей Ярухин билгеләп үткәнчә, билет алучылар моңа кадәр дә партия тарафдарлары булганнар. Һәм менә инде алар партиянең тулы хокуклы әгъзалары. Алексей Ярухин аларга уңышлар теләде.

Чара барышында партиясе әгъзалары исеменнән Россия тарихы буенча 6 томлык китап китапханә фондына тапшырылды.