Татарстанда эш бирүчеләр 80 меңгә якын вакансия тәкъдим итә

Белгечләргә иң зур ихтыяҗ төзелеш тармагында саклана, анда 20 меңгә якын вакансия ачылган. Шулай ук республиканың эре сәнәгать предприятиеләре, шул исәптән КАМАЗ, Горький исемендәге завод, Казан авиатөзелеш заводы һәм «Алабуга» махсус икътисади зонасы хезмәткәрләргә мохтаҗ.

Моннан тыш, бюджет өлкәсендә дә белгечләргә ихтыяҗ саклана. Сәламәтлек саклау тармагында 1,5 меңгә якын вакансия бар. Муниципалитетларда кадрлар җәлеп итү өчен төрле ярдәм чаралары кулланыла, шул исәптән торак арендасын компенсацияләү, торак программалары һәм өстәмә түләүләр.