Чүпрәледә исерек килеш руль артына утырган шоферга җәза билгеләнгән

Чүпрәле муниципаль районының 1 нче номерлы җәмәгать суды участогында Й. Хның эше каралган һәм аңа карата җәза билгеләнгән.

Суд барышында Й. Хның гаебе тулысынча расланган. Суд аңа карата хөкем карары чыгарган.
Исегезгә төшерәбез, соңгы елларда юл хәрәкәте кагыйдәләрен бозучылар өчен штрафлар күләме шактый арткан иде. Иң каты җәза исерек килеш руль артына утыручыларга туры килә. Алар элеккечә, 15 тәүлеккә рәшәткә артына утырмый, ә 45 мең сум күләмендә штраф түли. Моңа өстәп, суд карары нигезендә 1,5-2 елга машина йөртү таныклыгыннан да колак кагалар. Алкогольле эчемлек кулланган килеш руль артына кабат утырган очракта җәза тагын да катгыйлана.