Чүпрәле районы авыл җирлекләре башлыклары яңа машина ачкычлары алдылар

Татарстан Республикасы Рәисе Рөстәм Миңнеханов республика муниципалитетлары арасында республика бәйгесендә җиңүчеләргә автомобиль ачкычларын тапшырды. Тантана «Казан Экспо» халыкара күргәзмә комплексы каршындагы мәйданчыкта узды.

Тантана гадәттәгечә Татарстан Республикасы көнен бәйрәм итүгә багышланды.

Искәртик, Татарстан Республикасы муниципаль берәмлекләре арасында республика бәйгесе 2010 елдан бирле үткәрелә. Быел бәйгедә Татарстанның барлык муниципаль районнары һәм ике шәһәр округы катнашты. Катнашу өчен барлыгы 200 гариза бирелгән, һәм аларның 100е җиңүче булды.

Тантаналы шартларда машина ачкычларын Чуваш Чүпрәлесе авыл җирлеге башлыгы Виталий Землемеров һәм Иске Шәйморза авыл җирлеге башлыгы Илһамия Мөхитова алды.