Иске Дуван балалар бакчасы-башлангыч мәктәп укучылары КВН уйнады

Укучылар белән "Без Тукай оныклары" дигән темага КВН үткәрелде. Бу бәйгедә ике команда катнашты. Беренче команда "Дуслык", икенче команда -"Шатлык". Башта һәр команда бер-берсен сәламләде. Шуннан соң, төрле конкурслар булды. Конкурста Татарстан шәһәрләре турында, Тукай шигырьләре, табышмаклар, мәкальләр кулланылды. Биремнәр буенча сүзләрнең дөрес тәрҗемәсен таптылар. КВНда ике милләт балалары татар телен яхшы белүләрен исбатладылар. КВНда "Шатлык" командасы -72, "Дуслык" командасы 60 балл җыйды. Бәйрәм бик күңелле үтте. Укучылар бәйрәмнән истәлек бүләкләре алып, үзара дустанә, җылы мөнәсәбәттә калдылар.