Иске Чокалы урта мәктәбендә якташыбыз Әмир Сабирҗановның китапларын тәкъдир итү кичәсе узды

Ни өчен Иске Чокалы урта мәктәбендә, дигән сорау тумас, мөгаен. Әмир аганың шушы авыл кешесе икәнлеген күпләр белә. Һәм дөнья күргән җиде китабының барысы да шушы авыл тарихына, аның кешеләренә багышланган..

Кичәне Әмир аганың авылдашлары һәм хезмәт еллары, гомер юллары да бергә үрелеп барган Дилә Хәйретдинова, Гүзәлия Сәгъдиева оештырганнар иде. Аларга авыл җирлеге башлыгы Рәмис Низаметдинов, мәктәп директоры Илһам Хәйретдинов ярдәмгә килгән. Уртак тырышлык белән күңелләргә уелып калырлык бер чара узды.

Мәктәп укучылары язучының шигырьләрен, әсәрләренннән өзекләр укыды. Чыгыш ясаучылар Әмир Сабирҗанов узган юл һәм китаплар язуын зур хөрмәт белән сөйләделәр. Язучы исә үзен олылаганнары өчен һәркемгә рәхмәтләр әйтте, автографлы китапларын бүләк итте.