Зур Чынлы урта мәктәбендә волейбол ярышлары узды

Волейбол турнирын ачып, Зур Чынлы авыл җирлеге башлыгы Фәтхуллов Фаиль Җәмил улы, мәктәп директоры Азмуханова Рәмзия Иршат кызы, озак еллар мәктәптә физультура дәресләре укыткан Фәтхуллов Җәмил Алимҗан улы спортчыларны сәламләп, уңышлар теләделәр.

13 яшьтән алып 58 яшькә кадәрге спортчылар, алты командага бүленеп, көч сынаштылар.Уеннар бик киеренке төстә үтте, осталык һәм характер ныклыгы ярышында һәр команда соклангыч уен күрсәтте.

Ярыш нәтиҗәләре буенча җиңүчеләр билгеләнде һәм әлеге турнирның иганәчесе “Бикчуров Р.А.” крестьян-фермер хуҗалыгы җитәкчесе Равиль Ади улы Бикчуров тарафыннан әзерләнгән кыйммәтле бүләкләр тапшырылды.

Зур Чынлы урта мәктәбе тәрбия эшләре буенча директор урынбасары Камалиева Гөлүсә Шамил кызы.