Социаль темага
Тупланма акчалары түләнә
Иминиятләнгән затның пенсия тупланмалары акчаларын варисларга түләү пенсия тупланмалары акчаларын түләү (өстәмә түләү турында) турындагы карар кабул ителгән айдан соң килүче икенче айның 15нче числосыннан да соңга калмыйча башкарылырга тиеш. Әлеге хакта район пенсия фонды идарәсе белгече Гөлчәчәк Кәлимуллина хәбәр итә.
Түләү турындагы карар граждан үлгән көннән соң алты ай узгач кабул ителә. Ә өстәмә түләү турындагы карар граждан вафат булган елдан соңгы икенче елның 31 июленнән дә соңга калмыйча кабул ителергә тиеш.
Пенсия тупланмалары акчаларын түләүнең ике юлы бар: почта элемтәсе бүлеге аша яисә варисның банктагы счетына күчерү юлы белән. Түләү алымын варис үз гаризасында күрсәтергә тиеш. Пенсия тупланмалары акчаларын түләү (түләүдән баш тарту) турындагы карарның күчермәсен район пенсия фонды идарәсе карарның җибәрелү фактын һәм датасын раслаучы юл аша вариска юллый. Карар кабул ителгәннән соң биш эш көне дәвамында ул вариска җибәрелергә тиеш.
Следите за самым важным и интересным в Telegram-каналеТатмедиа
Нет комментариев