“Пластик” белән

Әлеге сорауга район пенсия фонды идарәсенең пенсияләрне билгеләү бүлеге начальнигы Фәридә Мөхәррәмова җавап бирә.

Әгәр пенсионер үзенең пенсия акчаларын банктагы терминал-банкомат аша алырга теләсә, банкта, пластик карта алуны күздә тотучы, шәхси счет ачарга кирәк булачак. Киләчәктә әлеге счетка нинди шартларда хезмәт күрсәтеләчәген банк үзе хәл итә.

Пластик картаны алганнан соң тору урыны буенча урнашкан пенсия фонды идарәсенә мөрәҗәгать итәргә һәм анда пенсия күчерелергә тиешле банк реквизитларын күрсәтеп, гариза язарга кирәк булачак. Пенсия акчалары әлеге счетка киләсе айдан башлап күчә башлаячак.