Чүпрәлегә "Ак калфак" оешмасы рәисе Кадрия Идрисова килде

Август айларында безнең районда әлеге оешманың күчмә утырышы булачак. Шушы уңайдан Кадрия Идрисова район Башкарма комитеты җитәкчесе урынбасары Айрат Җәлалов, Бөтендөнья татар конгрессының җирле оешмасы рәисе Иршат Закиров, "Ак калфак" оешмасының район бүлеген җитәкләүче Гөлфия Яфизова, Чүпрәле районы мәдәният бүлеге җитәкчесе Зөлфәт Сәгъдиев белән очрашты. Һәм алар бергәләшеп булачак чараларның планын карап тикшерделәр.