Кичә. Бүген. Иртәгә
Иске Чүпрәле күппрофильле лицейда "Мин татарча сөйләшәм" акциясе уза
"Иске Чүпрәле күппрофильле лицей"да ике милләт укучылары укый. Алар үзара бик дус һәм тату яши, бер - берсенең гореф - гадәтләрен, тарихын белә, аларга хөрмәт белән карый.
Чуваш милләтеннән булган укучылар матур итеп, татарча исәнләшә, шигырьләр сөйли, хәтта сәхнәләрдә дә җырлый. Тәнәфес вакытларында 5 - 7 нче сыйныф укучылары белән төрле уеннар уйныйбыз. Күптән түгел без чуваш милләтеннән булган балалар белән татар халык уеннары белән таныштык, аннан соң бергәләшеп уйнадык .Аларга аеруча "Түбәтәй", "Ак калач", "Кәрия - Зәкәрия" уеннары ошады. Укучылар тәнәфестән теләмичә генә таралаштылар. Димәк, уен нинди телдә генә булмасын, ул баланы шатландыра, дуслыкны арттыра.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев