Бәйрәмнәр

Әлеге бәйрәмгә алар олы пост тотканнан соң киләләр. Ә татарларда әлеге бәйрәм белән бергә "Күкәй җыю" ны билгелиләр. Авыл халкы иртәнге алтыдан ук ишек төбенә буялган йомырка, тәм-томнар чыгарып куя. Аларны балалар өйдән-өйгә кереп җыя, хуҗаларга изге теләкләр, тавыкларының күп итеп йомырка салуларын тели. "Күкәй җыю" бәйрәме элек-электән чәчүгә чыгар алдыннан үткәрелеп килгән. Игеннәр йомырка кебек тук, зур булсыннар, игенчеләр йомырка кебек тәгәрәп эшләсеннәр, дигән гыйбарә яшәгән. Әйе, милләтебезнең йолалары бигрәк матур инде. Ни генә булмасын, компьютердан аерылып, бу көнне берсен-берсе уздырып, йомырка җыеп йөргән балалаларны күрү үзе зур бәхет.