Надежда Мокшина Татарстан халыклары ассамблеясенең Рәхмәт хатына лаек булды

Григорий Семенов исемендәге Городище мәктәбе директоры Надежда Мокшина чуваш халкының телен, гореф-гадәтләрен һәм фольклорын саклауда күпьеллык хезмәте өчен Татарстан халыклары ассамблеясенең Рәхмәт хатына лаек булды.

Надежда Федоровнаның казанышлары арасында Татарстан Икътисад министрлыгы грантын уңышлы гамәлгә ашыру тора. Әлеге грант ярдәмендә мәктәптә актлар залы яңартылды һәм мәктәп музее тулыландырылды. Белем бирү учреждениесендә укучылар чуваш халкының традицияләрен дәвам итеп, милли бәйрәмнәрдә, фестивальләрдә һәм конкурсларда актив катнашалар.