Иске Шәйморза авыл китапханәсенең яшь укучысы Әмир Хәяров "Роберт Миңнуллинның балачак дөньясы" конкурсында 1 урын алды

"Роберт Миңнуллинның балачак дөньясы" республика конкурсына йомгак ясалды. Конкурска Татарстан Республикасының 26 муниципаль районыннан 133 эш тәкъдим ителгән.

2022 нче елның 2 нче августында Казан шәһәренең Республика балалар китапханәсендә тантаналы рәвештә бүләкләү булды. Бүләкләү тантанасында Роберт Миңнуллин гаиләсе катнашты, алар җиңүчеләргә дипломнар һәм истәлекле бүләкләр тапшырдылар.

Чүпрәле районыннан "Роберт Миңнуллин тормышын һәм иҗатын иң яхшы тәкъдир итү" номинациясендә 1 урынны Иске Шәйморза авыл китапханәсенең яшь укучысы Әмир Хәяров алды.

Котлыйбыз!