Чүпрәледә Г.Тукай туган көнгә театраль тамаша, мендәр-сандыклар күргәзмәсе булачак

26 апрельдә  район мәдәният йортында бөек шагыйребез Габдулла Тукай туган көненә багышланган “Тукай–сүнмәс йолдыз ул” дип исемләнгән театраль тамаша булачак.

Тамаша кысаларында район мәдәният йорты фойесында җирле “Ак калфак” берләшмәсе тарафыннан “Һәр җәүһәрдә халкым тарихы” дигән күргзәмә тәкъдим ителәчәк.  Шигърият бәйрәме  чарасына килүчеләр халкыбызның милли йолаларын, гореф-гадәтләрен үзенә туплаган мендәрләр, алардагы чигүләрне, элекке әби-әниләреләребезнең сандыкларын, алъ япкычларын, муенсаларын, хаситәләрен күрә алачаклар.

Рәхим итегез, хөрмәтле райондашлар! Чара 10.00 сәг. башлана.