Чүпрәледә “Приказ” буасы аша хәрәкәт туктатылды

Иске Чүпрәле авылының Мәктәп урамы буенча урнашкан елгада төзекләндерү эшләре башланды. Шуңа бәйле рәвештә ясалма буа аша транспорт та, җәяүле хәрәкәте дә туктатылды. Бу бер ай дәвамында шулай булыр, дип фаразлана, чөнки буаның төбен чистарту, елга ярыннан кирәк булмаган куакларны кисү эшләре башкарыла.

Район башкарма комитеты битәкчесенең төзелеш һәм инфраструктураны үстерү буенча урынбасары Илһам Бикчуров әйтүенчә, башкарыла торган эшләр төзекләндерүнең беренче этабы, 2022 елга тәгаенләнгәне генә.

Барысы да планлаштырылганча килеп чыкса, Мәктәп урамында, ягъни район үзәгенә якын бер җирдә менә дигән, күлле-сулы ял итү урыны булачак.