Чүпрәледә Яңа ел чыршыларын һәм бизәлеш конструкцияләрен сүтә башладылар

Чүпрәле районында Яңа ел чыршыларын һәм конструкцияләрен сүтә башладылар.

Декоратив конструкцияләрне беренчеләрдән булып Үзәк урамда сүтә башладылар. Шулай ук "Чүпрәле"паркында төп чыршыны демонтажлау буенча да зур эш көтелә.  Бу эш белән "Фламинго" һәм "Прогресс" предприятисе хезмәткәрләре шөгыльләнә. Исегезгә төшерәбез, нәкъ менә алар Иске Чүпрәле авылының үзәген Яңа елга бизәүгә үз көчләрен керттеләр һәм Яңа ел бизәлеше буенча конкурста җиңүчеләр буларак билгеләп үтелделәр.

Барлык декоратив конструкцияләр ел саен кабат кулланыла. Сүткәннән соң  аларны  складларга саклауга куялар, - дип хәбәр иттеләр безгә.