Чүпрәле балалар бакчаларында юл хәрәкәте кагыйдәләре буенча чаралар уза

Иске Чүпрәле авылындагы «Әкият» балалар бакчасында «Бала — төп пассажир» дип исемләнгән профилактик акция узды.

Балалар юл-транспорт травматизмын профилактикалауга юнәлдерелгән акцияне үткәрүнең төп максаты — җәмәгатьчелек игътибарын юл хәрәкәте куркынычсызлыгы проблемаларына, балалар юл-транспорт травматизмын профилактикалауга, пассажир балаларның куркынычсызлыгы проблемасына ата-аналарның игътибарын җәлеп итү иде.

Чара барышында ата-аналарга танышу өчен «Автомобильдә баланың иминлеге», «Юлларда иминлек. Балалар өчен куркынычсызлык кагыйдәләре» кебек темаларга буклетлар таратылды.