“Казан утлары” журналы беренче кесә форматындагы китап бастырды

Нәбирә Гыйматдинованың “Уйламаган көнем юк” исемле повесте “Казан утлары” журналы тарафыннан яңача кесә форматындагы китап буларак дөнья күрде. Бу турыда “Татар-информ” мәгълүмат агентлыгы хәбәр итә.
«Татмедиа» акционерлык җәмгыятенең генераль директоры Шамил Садыйков әйтүенчә, татарча китап кызыклы һәм шул ук вакытта уңайлы да булырга тиеш. Ә менә “Казан утлары” бастырып чыгарган китап кесәгә сыя. Аны теләсә кайсы буш вакытта кесәдән чыгарып укырга мөмкин.
Моннан тыш, әлеге форматтагы китап интерактив та әле, ягъни китапта күрсәтелгән QR-кодны кулланып, укучы китап турында фикерләшү өчен Instagram битенә күчә алачак.