Чүпрәледән Николай Романов «Ветераннар хәрәкәтендәге казанышлары өчен» мактау билгесе белән бүләкләнде

Татарстан Республикасы ветераннар (пенсионерлар) региональ иҗтимагый оешмасы Республика Советы Президиумының 28.02.2024 елгы карары белән «Ветераннар хәрәкәтендәге казанышлары өчен» мактау билгесе белән Романов Николай Федорович бүләкләнде.

Бүләкләү чарасы бүген район хакимиятендә киңәшмә вакытында узды. Бүләкне район Башкарма комитеты җитәкчесе Рөстәм Мөхәммәтҗанов тапшырды. Николай Федоровичка хезмәтләре өчен рәхмәт сүзләре әйтте һәм исәнлек теләде.