Волонтерлар белән иҗади очрашу

"Игелек күрсәтү" социаль проекты-ул иҗади һәм сәләтле балаларның, яшүсмерләрнең ятимнәргә, авыр тормыш очракларына юлыкканнарга ярдәме. Шушы максатларны күздә тотып, проект партнерлар катнашында тормышка ашырыла. Әлеге чарада исә проектны тормышка ашыру буенча партнерлар булып волонтерларның әти-әниләре: район башкарма комитеты каршындагы попечительлек һәм опека буенча секторның баш белгече Рамилә Белова һәм "Кайгырту" гаиләләргә һәм балаларга социаль ярдәм күрсәтү бүлеге мөдире Гүзәл Фәхретдинова торды.

Приютта үткән җылы очрашу барышында 9 "Б" сыйныфыннан волонтерлар үзләренең иҗади сәләтләре белән уртаклаштылар. Җырладылар, биеделәр, төрле музыкаль инструментларда уйнау осталыкларын күрсәттеләр. Аларга "Җылы йорт" приютында тәрбияләнүче балалар да бик теләп кушылдылар. Очрашу символик бүләкләр тапшыру белән тәмамланып, киләчәктә дә белгечләр һәм волонтерлар ярдәме белән оештырылыр дигән теләктә үтте.