Туган Як
  • Рус Тат
  • Яңа Дуван авылы егете

    Яңа Дуван авылы егете Рамил Гафуров Кораллы Көчләр сафларына киткәнче үк берничә һөнәр үзләштерергә өлгерде.

    Егет кешегә җитмеш төрле һөнәр дә аз, дигән хакыйкатьне истә тотып Буа медицина училищесында укый һәм берүк вакытта шоферлар әзерләү курсына йөреп "В", "С" категорияле "права" да ала. Хәрби хезмәтен ул Калининград өлкәсендәге элиталы частьтә уза. "КамАЗ-5350" маркалы автомашина белән сугышчан заданиеләр үтәүдә катнаша, өйрәнүләр нәтиҗәсе буенча частьтә иң яхшы автомобильче буларак таныла. Командирларның язган хатларыннан күренгәнчә, Рамил һәрчак үзенең белгечлеген камилләштерү өстендә эшли, коллективта лаеклы авторитет яулады, командирларның боерыкларын үзвакытында һәм җиренә җиткереп үти. "Хөрмәтле Лена һәм Радик Гафуровлар! Сез улыгыз Рамил белән урынлы горурлана аласыз, Ватанның чын сакчысы булырлык солдат үстергәнегез өчен сезгә ихлас күңелдән олы рәхмәтләребезне җиткерәбез!" диелә командир хатында.

    Нравится
    Поделиться:
    Реклама
    Комментарии (0)
    Осталось символов: