Чүпрәле кулибиннары республикада өченче урында

Әлеге бәйгенең йомгаклау этабына районыбыз мәктәпләреннән ике сәләтле укучы узды. Беренче номерлы Иске Чүпрәле урта гомуми белем бирү мәктәбеннән дүртенче сыйныф укучылары Данияр Таҗетдинов белән Динар Яфизов, үзләре уйлап тапкан проектны яклап, Республика күләмендә өченче урынны яуладылар. Алар Татарстан Республикасы мәгариф һәм фән министрлыгының дипломы, Республика уйлап табучылар җәмгыятенең медале белән бүләкләнделәр. Аларны олимпиадага әзерләгән физика һәм технология укытучысы Шамил Таҗетдинов мәгариф һәм фән министрлыгының мактау грамотасына лаек булды.