Туган Як
  • Рус Тат
    • Календарьда дата

    Халык белән һәрчак янәшә

    автор, 15 ноябрь 2012 - 10:30
    81
    0
    0

    Эчке эшләр органнары системасында әлеге служба оешканга быел 89 ел тулды. Әлеге көнне бәйрәм итү турындагы боерык 2002 елның ноябрендә генә раслана. Шушы елның 17 ноябреннән башлап участок вәкилләре бәйрәме буларак тарихка кереп калды.

    Ерак үткәнгә күз салсак та, 1923 елның нәкъ 17 ноябрендә участокка күзәтү итү өчен беренче инструкция раслана. Полициянең участок вәкилләре үзләренә тапшырылган территорияләрдә хокук тәртибен саклау буенча комплекслы профилактик чаралар үткәрәләр, административ участокта яшәүче һәр кеше турында тулы мәгълүмат туплыйлар, үзләренең эш нәтиҗәләрен күтәрү, җәмәгать тәртибен тәэмин итү, җинаятьләрне булдырмау һәм аларны үзвакытында ачу өчен эчке эшләр органнарындагы башка служба хезмәткәрләре белән якын элемтәдә торалар, урыннардагы җәмәгать оешмаларына таяналар.

    -Россия Эчке эшләр министрлыгы системасындагы үзгәртеп корулар нәтиҗәсендә бүлектәге полиция вәкиләренең штаты тугыз берәмлеккә, ягъни ике мәртәбә кыскартылды. Шуңа да карамастан, район территориясендәге торак пунктларда җәмәгать тәртибе урнаштыру, административ хокук тәртибе бозуларны фаш итү, җинаятьчел күренешләрне кисәтү һәм аларны ачыклау буенча күп төрле чаралар үткәрелә. 2012 елның 9 аенда ачыл-ган барлык җинаятьләрнең яртысыннан артыгы бүлекнең участок вәкилләренә туры килә. Бүген без үз хезмәтләрен ихлас күңелдән намус белән башкаручы полиция майорлары И.Ахметов, Г.Урлов, А.Якупов һәм А.Михайлов кебек ветераннарның исемнәрен аеруча мактап телгә алабыз. Алар үрнәгендә әлеге хезмәтнең асылына төшенеп, инде шактый ук тәҗрибә тупларга өлгергән яшь хезмәткәрләребез А.Җәлалов, И.Чамин, И.Якупов һәм В.Шумилов та хокук тәртибен саклауда халыкның ихтирамын яуларга өлгерде,- ди полициянең участок вәкилләре башлыгы, полиция капитаны Валерий Романов.

    Әйе, үз участоклары территориясендә яшәүчеләрнең чакыруы булганда, тәүлекнең теләсә кайсы вакытында алар ярдәмгә килергә әзер торалар. Бу хакта урыннардагы халыктан да бары уңай сүзләр генә ишетергә туры килә. Алар әледән-әле үзләренең һөнәри осталыкларын күтәрү өстендә дә эшлиләр, белемнәрен һәм полиция хезмәткәре өчен бигрәк тә кирәк булган физик әзерлекләрен ныгыталар. Полиция майоры А.Якупов республика күләмендә уздырылган "Һөнәре буенча иң яхшы" дип аталган конкурста катнашып икенче урынны яулаган һәм полициянең участок вәкилләре арасында (ул Екатеринбург шәһәрендә үтәчәк) узачак халыкара конкурста катнашуга юллама алган.

    Теги: участок вәкилләре
    Нравится
    Поделиться:
    Реклама
    Комментарии (0)
    Авторизоваться
    Осталось символов:
    © 2011 - 2018. "Туган як" Чүпрәле районы газетасы" ("Родной край" газета Дрожжановского района"). Все права защищены.
    © ТАТМЕДИА. Все материалы, размещенные на сайте, защищены законом.
    Перепечатка, воспроизведение и распространение в любом объеме информации,
    размещенной на сайте, возможна только с письменного согласия редакций СМИ.
    При поддержке Республиканского агентства по печати и массовым коммуникациям «ТАТМЕДИА».
    Наименование СМИ: Туган як (Родной край)
    № свидетельства о регистрации СМИ, дата: Эл № ФС 77 - 47502 от 30.11.2011
    выдано Федеральной службой по надзору в сфере связи,
    информационных технологий и массовых коммуникаций
    ФИО главного редактора: Замалтдинова Разиде Ринатовна
    Адрес редакции: 422470 Село Старое Дрожжаное улица А.Абязова, д.5 (Колхозная)
    Телефон редакции: Тел.: (84375) 2-26-42 Факс: (84375) 2-23-43
    Учредитель СМИ: АО «ТАТМЕДИА»
    Политика о персональных данных
    Антикоррупционная политика
    Телефон АО «ТАТМЕДИА»: (843) 222 09 84
    16+