Туган Як
  • Рус Тат
  • Болгар һәм Свияжскины бөтен дөнья беләчәк

    Болгар шәһәрендә 24 тарихи һәйкәлне ачыклап, музейлаштыру ниятләнә.

    Бу хакта ТР Министрлар Кабинетында узган брифингта ТР Президентының социаль мәсьәләләр буенча ярдәмчесе, тарих һәм мәдәният һәйкәлләрен торгызу буенча "Яңарыш" республика фонды башкарма директоры Татьяна Ларионова хәбәр итте.

    -Болгар һәм Свияжскиның дөньяви дәрәҗәдәге һәйкәлләр булачагына шик юк,-дип белдерде Татьяна Петровна журналистларга. Аның сүзләренә караганда, бик тиздән Болгарда табиб йорты, һөнәрчеләр остаханәләре ачылыр дип көтелә. Болгар цивилизациясе музее функциясе белән Елга вокзалы төзелә. Быел Болгар шәһәренә көнбатыш һәм көнчыгыш керү капкалары төзелешенә "нокта куелачак". Быел шулай ук 500 урынга исәпләнгән фестиваль-вакыйгаи комплекс, археологик-фәнни база ачылышы ниятләнә. Әйләнә-тирә мохит йогынтысыннан саклаучы корылмалар белән жиһазланган Хан сарае яңартылачак. Свияжскида күптән түгел ачылган Ат утарыннан тыш, Никольски чиркәвендә тышкы эшләрне төгәлләү күздә тотыла. Тагын берничә чиркәү һәм соборда яңарту, үзгәртеп кору эшләре алып барылачак.

    Нравится
    Поделиться:
    Реклама
    Комментарии (0)
    Осталось символов: