Туган Як

Чүпрәле районы

Рус

Тат

Чув
Көн темасы

Иң осталар һәм җитезләр барланды

Машина белән сыер саву операторларының район конкурсы 26 майда "Цильна" җәмгыяте базасында үтте.

Конкурсны ачып, район авыл хуҗалыгы һәм азык-төлек идарәсе начальнигы Исламетдин Низамов: "Авыл хуҗалыгының терлекчелек тармагында, нигездә, сөт җитештерүне һәм сатуны арттыру-тормыш чыганагы. Үткән еллар белән чагыштырганда, быел азыклар мул, сөт күләме дә арта. Димәк, ул хуҗалыкларга-табыш керү, моннан чыгып, эшчәннәргә хезмәт хакы да",-диде һәм конкурсантларга уңышлар те-ләде.

Аннан соң авыл хуҗа-лыгы һәм азык-төлек идарәсенең терлекчелек буенча консультанты Айваз Абязов, терлекчелектә нәсел эше буенча район бүлеге начальнигы Закирҗан Буркеев конкурсны үткәрү тәртибе һәм комиссия составы белән таныштырдылар.

Районның "Пульсатор" җәмгыяте белгечлә-ре конкурсантларга сыер саву аппаратын сүтеп-җыю тәртибен аңлатканнан соң, алар жирәбә буенча үз осталыкларын күрсәтә башладылар.

Ярыш шартлары ниге-зендә сыер саву аппаратын 4 минут 5 секундта сүтеп-җыюга ирешкән "Цильна" җәмгыяте сыер савучысы Гөлинә Азизова беренче урынга лаек булды һәм ул 13-14 июнь көннәрендә республика конкурсында катнашып, район данын яклаячак. 4 минут 7 секунд эчендә аппаратны сүтеп-җыюга ирешкән "Чүпрәле-Азык" җәмгыятенең "Дементьев" филиалы сыер савучысы Галина Ефимова-икенче, "Ак Барс-Чүпрәле" агрофирмасының Иске Ишле филиалы сыер савучысы Евгения Мөхәммәтҗанова өченче урынны яулады.

Терлекләрне ясалма орлыкландыру технологлары арасындагы ярышта "Цильна" җәмгыятеннән Вагиз Салиховка-беренче, "Ак Барс-Чүпрәле" агрофирмасыннан Валерий Шакинга-икенче, "Низамов" крестьян-фермер хуҗалыгыннан Наил Сабитовка өченче урын бирелде.

Конкурста җиңүчеләргә һәм барлык катнашучыларга авыл хуҗалыгы һәм азык-төлек идарәсенең Мактау Грамоталары һәм акчалата бүләкләре тапшырылды.

Следите за самым важным и интересным в Telegram-каналеТатмедиа

Оставляйте реакции

0

0

0

0

0

К сожалению, реакцию можно поставить не более одного раза :(
Мы работаем над улучшением нашего сервиса

Нет комментариев

Теги: сыер савучылар ярышы