Ҫак кунсенче П.В.Дементьев ячӗллӗ ҫар техникин паркӗнче, 2020 çулăн кӗрхи призыв кампанийӗн йӗркипе, призывниксен черетлӗ ăсатăвӗ пулчӗ.
Ӑсату пунктне ултӑ каччă: Валерий Бруслин (Аслă Аксу), Ильназ Зайнетдинов (Кивӗ Ҫӗпрел), Константин Митрошкин (Чӑваш Паснапуç), Александр Тимофеев (Упи), Данил Тужилкин (Чӑваш Шемӗршел) тата Кирилл Юркин (Хулаҫырми) килнӗччӗ.
– Эпӗ яланах ҫарта служить тума ӗмӗтлентӗм тата Тӑван çӗршыв тăнăçлăхӗшӗн кирек хӑш чаҫре те служить тума хатӗр. Ҫарта служить тăвасси – вăл пирӗн Тӑван çӗршыв умӗнчи тивӗҫ кӑна мар, кашни арҫыннӑн сӑваплӑ ӗҫӗ те. Пире кирек мӗнле чаçсене палăртсан та, тӗп никӗсре атте-анне кӗтнине манмăпăр, – тет часах салтак тумӗ тăхăнакан Кивӗ Ҫӗпрел каччи Ильназ Зайнетдинов. Ильназ хăй медиксем хатӗрлекен колледжра вӗреннӗ.
Нет комментариев