Раҫҫей Конституци кунне халалласа

Конституцие йышӑнасси кашни патшалӑхпа халӑх историйӗнче чи пӗлтерӗшлӗ самант шутланать. Конституци патшалӑхӑн тӗп законӗ. Вӑл Раҫҫейӗн пӗтӗм право тытӑмӗн никӗсӗ пулса тӑрать.

Раштавӑн 13-мӗшӗнче П.В.Дементьев музейӗнче «Ӑшӑ ҫурт» социаллӑ приют воспитанникӗсемпе пӗрле «Конституци пӗлӳҫисем» право вӑййине йӗркелерӗмӗр.

Вӗсем «Раҫҫей Федерацийӗн субъекчӗсем», «влаҫ тытӑмӗсем», «Конституци терминӗсем», «право терминӗсене ҫырма хутлӑх пĕлĕвĕ» тата ӑс-хакӑл заданийӗсене хастар хутшӑнчӗҫ.

Вӑйӑ тӗллевӗ – «РФ Конституцийӗ» темӑпа вӗренекенсен пӗлӗвне ӳстерме тата тарӑнлатма, предметпа интереслентерме пулăшассиччӗ, ӑс-хакӑл шухӑшлавне аталантарма, вӗренекенсен гражданла позицине вӗрентсе ӳстерессиччĕ.

Юрий Адъютантов.