ТР Министрсен кабинечӗ «Тутарстан Республикинче коронавирус инфекцине сарӑлма парас мар текен мерӑсем ҫинчен» ҫӗнӗ постановлени йышӑннӑ.
Унпа килӗшӳллӗн майӑн 12-мӗшӗнчен пуҫласа ӗç вырӑнӗнчен справка кирлӗ пулмасть, çул çине тухма чикӗленине пăрахăçланă.
Анчах та суту-илӳ объекчӗсенче, обществăлла вырӑнӗсенче, транспортра сыхланмалли мерӑсем йышӑнмалла: медицина маскисене тата перчеткисене тăхăнасси обязательнăй йӗрке пулса юлать.
Тутарстан правительстви режима кӑшт ҫемҫетнӗ. Автосалонсене, ЗАГС органӗсене (мӑшӑрлӑ пурнӑҫа патшалӑх регистрацийӗ тунӑ чухне 10ран ытла çын хутшӑнаймасть), апат-ҫимӗҫ пулман таварсемпе суту-илӳ тăвакан залсене (суту-илӳ лаптăкӗ 400 м2 ытла пулмасан) ӗҫлеме ирӗк параççӗ.
Аса илтеретпӗр: Ҫӗпрел районӗнче пандеми пуҫланнӑранпа 38 чирлӗ çынна регистрациленӗ. Вӗсенчен 16-шӗ сипленнӗ. 11 ҫын Хусан больницисенче, 11 ҫын килти условисенче сипленет. Çирӗп изоляцире 427 ҫын ларать.
Нет комментариев