«Хӑрушсӑрлӑх пиçиххийӗ» оперативлă профилактика мероприятийӗ пуҫланчӗ

Тутарстанра, ҫав шутра Ҫӗпрел районӗнче те, июлӗн 11-мӗшӗнчен пуҫласа августӑн 10-мӗшӗччен пыракан «Хӑрушсӑрлӑх пиçиххийӗ» оперативлӑ-профилактика мероприятийӗ пуҫланчӗ. Кун ҫинчен Шалти ӗçсен министерствин Ҫӗпрел районӗнчи ГИБДД уйрăмӗн начальникӗ, полици майорӗ Анатолий Михайлов пӗлтерчӗ.

Ҫак мероприятийӗн тӗллевӗ – ҫул-йӗр юхăмӗнче хутшӑнакансен тӗлешпе хӑрушсӑрлӑх пиçиххийӗсемпе усӑ курас енӗпе административлӑ правӑна пӑсассине асӑрхаттарасси.

Раҫҫей Федерацийӗн Çул-йӗр правилисен 2.1.2 пункчӗпе килӗшӳллӗн, хӑрушсӑрлӑх пиçиххийӗсемпе оборудованиленӗ  транспорт хатӗрӗн водителӗ хӑрушсӑрлӑх пиçиххийӗпе хӑйӗн те ҫыхăнмалла тата пиçиххипе ҫыхăнман пассажирсене лартса ҫӳремелле мар.

Транспорт хӑрушсӑрлӑхӗн центрӗсем тӗпченӗ тӑрӑх, хӑрушсӑрлӑх пиçиххийӗсемпе усӑ курни водителе тата малти ларкăч çинчи пассажира  çул-йӗр-транспорт аварийӗсенче вилесрен тата суранланасран 50%, кайри ларкӑч ҫинчи пассажирсемшӗн 25% чакарать.