Александр Никифоров: «Ӗмӗр тӑршшӗпех ӗçлесе пурăнтăмăр»

Аслă çулсенчи ентешӗмӗре район пуҫлӑхӗн çумӗ Алексей Ярухин, Кивӗ Шемӗршел ял тӑрӑхӗн пуҫлӑхӗ Ильгамия Мухитова, ачасем, ҫывӑх ҫыннисем саламларӗҫ. Уяв ячӗпе ăна РФ Президенчӗн саламлă çырăвне, ҫавӑн пекех район пуҫлӑхӗн парнине пачӗç.

Александр Александрович Никифоров 1931 ҫулхи сентябрӗн 8-мӗшӗнче ҫуралнӑ. Унӑн ачалӑхӗ йывӑр ҫулсене тӳрӗ килнӗрен, пӗлӳ илме вăхăчӗ те пулман. Ачаранпах вӑл ҫитӗннисемпе ӗçе явăçнă.

XXII Партсъезд ячӗллӗ колхозра шофер пулса нумай ҫул ӗҫленӗ. Ӗҫленӗ хушăра тăрăшуллă ӗҫчен пулнă май палăрать, ҫамрӑксемшӗн тӗслӗх тата вӗрентӳҫӗ пулать.

Унӑн ӗҫне правительство хакланӑ тата ӑна нумай хутчен Хисеп грамотисемпе парнеленӗ. Ҫавӑн пекех, вӑл районта ял хуҫалӑхӗнче малта пыракансен слечӗсенче те пӗрре мар хутшӑннӑ, чысланнă.

Мăшăрӗпе, Юлия Александровнапа, пӗрле вӗсем пилӗк ача пӑхса ӳстереççӗ. Ҫемьере тӑватӑ ывӑлпа пӗр хӗр ӳснӗ.

Ашшӗ-амӑшӗнчен тӗслӗх илсе вӗсем ӗҫчен, сӑпайлӑ, тӳрӗ кӑмӑллӑ, çынна ялан пулăшма хатӗр пулса çитӗнеççӗ. Вӗсем пурте аслӑ пӗлӳ илсе, паян ертсе пыракан органсенче ӗҫлеҫҫӗ.

Паян 10 мӑнукпа 15 кӗçӗн мӑнук юбиляра хӑйсен ҫитӗнӗвӗсемпе савӑнтараҫҫӗ. Аслашшӗпе асламăшӗ, кукашшӗпе кукамăшӗ патне килсех тăраççӗ.

Юбилярпа унăн мăшăрӗпе пӗрле ывӑлӗ Сергей, кинӗ Елена пурӑнаҫҫӗ.